- By Keti Khomeriki
- In პოლიტიკა
საქართველოს პრემიერ-მინისტრმა, ირაკლი კობახიძემ საგარეჯო-ბადიაურის ავტომაგისტრალის სამშენებლო სამუშაოები დაათვალიერა
საქართველოს პრემიერ-მინისტრმა, ირაკლი კობახიძემ საგარეჯო – ბადიაურის ავტომაგისტრალის სამშენებლო სამუშაოები დაათვალიერა.
მიმდინარე სამუშაობი მთავრობის მეთაურს ინფრასტრუქტურის მინისტრმა რევაზ სოხაძემ გააცნო.
კახეთის მაგისტრალური გზის შემადგენელი საგარეჯო-ბადიაურის 17კმ – იან მონაკვეთზე ამ ეტაპზე მიწის სამუშაოები, გზის საფუძვლის მოწყობა, კომუნიკაციების და სამელიორაციო სისტემების გადატანა, რკინა-ბეტონის ხიმინჯების მოწყობა, რკინა-ბეტონის წყალგამტარი მილების და მიწისქვეშა გასასვლელების მოწყობა მიმდინარეობს.
პროექტის ფარგლებში, შენდება ახალი სატრანსპორტო კვანძი სოფელ ბადიაურთან, 4 ხიდი, 8 გზაგამტარი და 86 წყალგამტარი მილი.
საგარეჯო-ბადიაურის 4-ზოლიანი საავტომობილო გზის მონაკვეთი კახეთის ჩქაროსნული ავტომაგისტრალის შემადგენელი ნაწილია. მაგისტრალის მშენებლობის ფარგლებში, სამშენებლო სამუშაოები უკვე დასრულებულია ყველაზე მნიშვნელოვან, 35 კმ-იან მონაკვეთზე. საგარეჯო-ბადიაურის 17 კმ-იანი მონაკვეთის მშენებლობის პროექტი მსოფლიო ბანკის (WB) ფინანსური მხარდაჭერით ხორციელდება და მისი ღირებულება 276.7 მილიონი ლარია.
პრემიერ – მინისტრთან ერთად, ავტომაგისტრალის სამშენებლო სამუშაოები დაათვალიერეს გარემოს დაცვისა და სოფლის მეურნეობის მინისტრმა დავით სონღულაშვილმა, განათლების მინისტრმა გივი მიქანაძემ და საკანონმდებლო ხელისუფლების წარმომადგენლებმა.
