გრუნის აკადემიური კომიტეტის გადაწყვეტილებით, განათლებისა და მეცნიერების განვითარებაში შეტანილი განსაკუთრებული წვლილისათვის, პროფესორ ვლადიმერ პაპავას გრუნის საპატიო დოქტორის წოდება მიენიჭა
გრიგოლ რობაქიძის უნივერსიტეტის აკადემიური კომიტეტის გადაწყვეტილებით, განათლებისა და მეცნიერების განვითარებაში შეტანილი განსაკუთრებული წვლილისათვის, საქართველოს მეცნიერებათა ეროვნული აკადემიის აკადემიკოს-მდივანს, პროფესორ ვლადიმერ პაპავას მიენიჭა გრუნის საპატიო დოქტორის წოდება.
გრიგოლ რობაქიძის უნივერსიტეტში გამართულ დაჯილდოების ცერემონიაზე, პროფესორმა პაპავამ სტუდენტებსა და პროფესორ – მასწავლებლებს წარუდგინა მოხსენება: „ნეკროეკონომიკა, რეტროეკონომიკა და ზომბიეკონომიკა“.
გრუნის რექტორმა, პროფესორმა მამუკა თავხელიძემ, მაღალი შეფასება მისცა ვლადიმერ
პაპავას მიერ წარმოდგენილი მოხსენების სამეცნიერო ღირებულებას და ზოგადად, მის
ღვაწლს ქართული მეცნიერების განვითარებაში, რისი დადასტურებაცაა დოქტორის საპატიო წოდების მინიჭება.
ღონისძიების ფარგლებში, გაიმართა ვლადიმერ პაპავას 70 წლის იუბილისადმი მიძღვნილი
სამეცნიერო კრებულის: „ეკონომიკური მეცნიერება და საქართველოს ეკონომიკა“, პრეზენტაცია.
,,GEO NEWS”
