- By Keti Khomeriki
- In მსოფლიო, სიახლეები
ჯო ბაიდენი – ჩინეთი იწყებს თამაშის წესების შეცვლას, მე არ მინდა ჩინეთის შეკავება, უბრალოდ მინდა, დავრწმუნდე, რომ ჩინეთთან გვაქვს ურთიერთობა, რომელიც მაღლა დგას
ჩინეთი ცვლის თამაშის წესებს, – ამის შესახებ აშშ-ის პრეზიდენტმა, ჯო ბაიდენმა ვიეტნამში ვიზიტის დროს განაცხადა.
ბაიდენმა ჟურნალისტებს განუცხადა, რომ ინდოეთში დიდი ოცეულის ყოველწლიურ სამიტზე ის ჩინეთის პრემიერს, ლი ციანს შეხვდა.
აშშ-ის პრეზიდენტმა ხაზგასმით აღნიშნა, რომ მას სურს, რომ ჩინეთი ეკონომიკურად წარმატებული იყოს, მაგრამ წესების მიხედვით.
„მე გულწრფელი ვარ ურთიერთობების სწორად ჩამოყალიბებაში და ერთ-ერთი, რაც ახლა ხდება, არის ის, რომ ჩინეთი იწყებს თამაშის წესების შეცვლას ვაჭრობისა და სხვა საკითხების კუთხით. ერთ-ერთი რამ, რაზეც ჩვენ ვისაუბრეთ, მაგალითად, არის ის, რომ ისინი ახლა საუბრობენ იმაზე, რომ არცერთ ჩინელს არ შეუძლია ჩინეთის მთავრობაში გამოიყენოს დასავლური მობილური ტელეფონი. ასე რომ, რეალურად რაზეც არის ეს მოგზაურობა, ნაკლებად არის ჩინეთის შეკავება. მე არ მინდა ჩინეთის შეკავება. მე უბრალოდ მინდა, დავრწმუნდე, რომ ჩვენ გვაქვს ურთიერთობა ჩინეთთან, რომელიც მაღლა დგას“, – განაცხადა ბაიდენმა.
მისივე თქმით, მას არ სურს ჩინეთის იზოლირება, მაგრამ აპირებს სტაბილური ბაზის შექმნას ინდო-წყნარი ოკეანის რეგიონში.
