- By Keti Khomeriki
- In პოლიტიკა
მიხეილ სააკაშვილი – საერთოდ არ მესმის რა შუაშია „სუპერპაკის” იდეასთან სხვა ოპოზიციური პარტიები – მე ვისაუბრე „ნაციონალური მოძრაობის“ “პაკ”-ზე
არ მესმის რა შუაშია „სუპერ პაკის“ იდეასთან სხვა ოპოზიციური პარტიები და მედიის ზოგიერთ საშუალებაში ამ თემაზე სპეკულაცია – სხვა პარტიებსაც შეუძლიათ შექმნან „პაკი“ და იქ ისეთი ხალხი მიიზიდონ, ვინც თავისი შეხედულებებით უფრო ახლოს არიან მათთან. ხალხს საკმაოდ მობეზრდა ერთი და იგივე ადამიანების ყურება ეკრანებზე,- ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს.
მისივე თქმით, დროა ფართო საზოგადოებამ ქვეყნის გადარჩენის საკითხი საკუთარ ხელში ამა თუ იმ ფორმით აიღოს.
„საერთოდ არ მესმის რა შუაშია „სუპერ პაკის“ იდეასთან სხვა ოპოზიციური პარტიები და მედიის ზოგიერთ საშუალებაში ამ თემაზე სპეკულაცია.
ამერიკის მაგალითს მაინც შეხედეთ, რესპუბლიკელების „პაკის“ თემას არავინ არ ეკითხება დემოკრატებს და პირიქით, მე ვისაუბრე „ნაციონალური მოძრაობის” „პაკზე“ და ამ ერთობის კომიტეტში მაქვს ძალიან სერიოზული ადამიანების გაერთიანების მოლოდინი.
ჩემს ფუნქციას პოლიტიკაში ახალი ხალხისთვის გზის გახსნაში ვხედავდი ყოველთვის, საქართველოშიც და უკრაინაშიც.
სხვა პარტიებსაც შეუძლიათ შექმნან „პაკი“ და იქ ისეთი ხალხი მიიზიდონ, ვინც თავისი შეხედულებებით უფრო ახლოს არიან მათთან.
ხალხს საკმაოდ მობეზრდა ერთი და იგივე ადამიანების ყურება ეკრანებზე. დროა ქვეყნის გადარჩენის საკითხი საკუთარ ხელში ამა თუ იმ ფორმით ფართო საზოგადოებამ აიღოს”,-წერს სააკაშვილი.
