- By Keti Khomeriki
- In მსოფლიო
ბელარუსის საპრეზიდენტო არჩევნები 2025 წლის 26 იანვარს ჩატარდება
ბელარუსის საპრეზიდენტო არჩევნები 2025 წლის 26 იანვარს ჩატარდება. ადგილობრივი მედიის ცნობით, შესაბამისი დადგენილება ბელარუსის ეროვნული კრების წარმომადგენელთა პალატის სხდომაზე მიიღეს.
ბელარუსის ცენტრალური საარჩევნო კომისიის თავმჯდომარემ, იგორ კარპენკომ განაცხადა, რომ ცესკო მზად არის საარჩევნო კამპანიის დასაწყებად.
ცნობისთვის, ბელარუსის წინა საპრეზიდენტო არჩევნები 2020 წლის აგვისტოში გაიმართა. აღნიშნულ არჩევნებში ცესკოს მიერ გამარჯვებულად მოქმედი პრეზიდენტის, ალექსანდრ ლუკაშენკოს გამოცხადებას მასობრივი საპროტესტო გამოსვლები მოჰყვა, რა დროსაც დააკავეს ათასობით ადამიანი. ოპოზიციის წარმომადგენელთა ნაწილმა, მათ შორის სვეტლანა ციხანოვსკაიამ, ქვეყანა დატოვა.
