გამოთხოვება თემურ უგულავასთან – სიკეთე, რომელიც არ იკარგება (R)
გამოსამშვიდობებელი ტექსტი
არიან ადამიანები, რომელთა წასვლაც მხოლოდ ოჯახის ან მეგობრების ტკივილი არ არის – მათი დაკარგვა ყველასთვის საერთო დანაკლისად იქცევა. სწორედ ასეთი იყო თემურ უგულავა – ადამიანი, რომელმაც საკუთარი საქმიანობით, ადამიანურობითა და გულწრფელი დამოკიდებულებით არაერთი ადამიანის ცხოვრებაში დატოვა თბილი კვალი.
მის გარდაცვალებას ღრმა მწუხარებით გამოეხმაურა ჯეომოდელსის მოდელი, ბლოგერი, მსახიობი და ყოფილი ინფლუენსერი თათო, რომელმაც განსაკუთრებით ემოციურად გაიხსენა თემურ უგულავა. მისთვის ეს დანაკლისი მხოლოდ საზოგადოებისთვის ცნობილი ადამიანის დაკარგვა არ არის – ეს არის ახლობელი, ოჯახის მეგობარი და გულშემატკივრის სამუდამოდ გამოთხოვება.
„გული მტკივა… ჩემი მეგობრის მამა, ჩვენი გულშემატკივარი და ოჯახისთვის ნამდვილად ახლობელი ადამიანი დავკარგე,“ – ამბობს თათო, რომლის მამა, გოგა ჩხეტია, აჭარაგრუფის მთავარი არქიტექტორ-დიზაინერი და წლების განმავლობაში თემურ უგულავას უახლოესი თანამებრძოლი, მისი მარჯვენა ხელი იყო.
ამ რამდენიმე სიტყვაში მთელი ის ტკივილი და სიცარიელეა მოქცეული, რომელსაც ვერანაირი სიტყვა ვერ შეავსებს. როდესაც ადამიანი არა მხოლოდ პროფესიული საქმიანობით, არამედ სიკეთით, ერთგულებითა და ადამიანებისადმი გულწრფელი სიყვარულით იმსახურებს პატივისცემას, მისი სახელი სიკვდილსაც სცილდება და ადამიანთა მეხსიერებაში სამუდამოდ რჩება.
თემურ უგულავას ნათელი ხსოვნა კიდევ დიდხანს იცოცხლებს იმ ადამიანების გულებში, ვისაც ერთხელ მაინც ჰქონია ბედნიერება, მისი თანადგომა, კეთილი სიტყვა ან მეგობრობა ეგრძნო. მისი ცხოვრების გზა ნათელი მაგალითია იმისა, რომ ადამიანის ნამდვილი სიმდიდრე არა ისაა, რაც დაუგროვებია, არამედ ის სიყვარული და პატივისცემაა, რომელსაც სხვების გულებში ტოვებს.
ვუსამძიმრებთ თემურ უგულავას ოჯახს, ახლობლებს, მეგობრებსა და ყველას, ვისთვისაც მისი წასვლა მძიმე და გამოუსწორებელი დანაკლისია.
უფალმა დაუმკვიდროს სასუფეველი და მარადიული ნათელი მის სულს.
P.S. ვიცე მის თბილისი
თათო გოგოლაშვილი
მოამზადა ირაკლი მაისურაძემ
,,GEO NEWS”
