- By Keti Khomeriki
- In მსოფლიო
გერმანიაში, ქალაქ ჰაიდენაუსთან ახლოს, მდინარე ელბაში მეორე მსოფლიო ომის დროინდელი 250-კილოგრამიანი საჰაერო ბომბი აღმოაჩინეს
გერმანიაში, ქალაქ ჰაიდენაუსთან ახლოს, მდინარე ელბაში მეორე მსოფლიო ომის დროინდელი 250-კილოგრამიანი საჰაერო ბომბი აღმოაჩინეს.
Der Spiegel-ის ინფორმაციით, სპეციალური ჯგუფები ბომბის განაღმვის სამუშაოებს ახორციელებენ, რისთვისაც მისი აღმოჩენის ადგილიდან ერთი კილომეტრის რადიუსში საჭირო გახდა მოსახლეობის ევაკუაცია.
პოლიციის ცნობით, დაუყოვნებლივი ევაკუაცია საჭირო არ იყო, რადგან აღმოჩენის გარემოებები საშუალებას იძლევა დაგეგმილი გაუვნებელყოფის ოპერაციის ჩასატარებლად.
მედიის ცნობით, ბომბი ელბაში მას შემდეგ იპოვეს, რაც რეკორდული სიცხეების შედეგად მდინარეში წყლის დონემ მნიშვნელოვნად დაიკლო.
