- By Keti Khomeriki
- In მსოფლიო
დონალდ ტრამპი – ზელენსკი ცბიერი ადამიანია, გვინდა, შეთანხმება მივიღოთ, ტერიტორიას კარგავენ, რაც მათთვის და რუსეთისთვის დიდ საფასურთანაა დაკავშირებული
აშშ-ის პრეზიდენტი დონალდ ტრამპი აცხადებს, რომ უკრაინის პრეზიდენტი ვოლოდიმირ ზელენსკი „ცბიერი“ ადამიანია.
თეთრი სახლის ლიდერმა „სალემ ნიუს ჩენელთან“ ინტერვიუში ასევე აღნიშნა, რომ ყოველთვის კარგი ურთიეთობა ჰქონდა ზელენსკისთან, გარდა თეთრ სახლში მომხდარი შემთხვევისა, რომელიც, მისივე თქმით, უკრანის პრეზიდენტის მხრიდან „ცოტა აგრესიულად მოეჩვენა“.
„ზელენსკი ცბიერი ადამიანია და ჩვენ გვინდა, შეთანხმება მივიღოთ. და, იცით, ისინი ტერიტორიას კარგავენ, მაგრამ ეს რუსეთისთვის და მათთვის დიდ საფასურთანაა დაკავშირებული. მე მომწონს ზელენსკი. მე ყოველთვის კარგად ვუგებდი მას, გარდა თეთრ სახლში ყოფნის ერთი მომენტისა, რომელიც მისი მხრიდან ცოტა აგრესიული მომეჩვენა“, – განაცხადა, დონალდ ტრამპმა.
