- By Keti Khomeriki
- In ბიზნესი, საზოგადოება
თეგეტა ჰოლდინგის მხარდაჭერით გაეროს ქალთა ორგანიზაციის ორდღიანი საერთაშორისო კონფერენცია „გოგოების გზა ტექნოლოგიებში – სწავლიდან ლიდერობამდე“ გაიმართა
თეგეტა ჰოლდინგის მხარდაჭერით გაეროს ქალთა ორგანიზაციის (UN Women) ორდღიანი საერთაშორისო კონფერენცია „გოგოების გზა ტექნოლოგიებში – სწავლიდან ლიდერობამდე“ გაიმართა.
პანელურ დისკუსიაში მონაწილეობდა თეგეტას ტექნოლოგიების საოპერაციო მიმართულების ხელმძღვანელი, თინათინ მონავარდისაშვილი, რომელმაც კომპანიის გამოცდილებაზე ისაუბრა.
,,თეგეტა წლებია, გენდერულ სტერეოტიპებს არა მხოლოდ სიტყვებით, არამედ შიდა პრაქტიკითაც ამსხვრევს. აღმასრულებელი ოფიცერი ქალია, ტექნოლოგიური გუნდის 35%-ს ქალები შეადგენენ. ასევე, ჰოლდინგში წარმატებით მუშაობენ ქალი მექანიკოსებიც.” – თინათინ მონავარდისაშვილი.
კონფერენციაზე დამსწრეებმა იმსჯელეს გენდერულ თანასწორობაზე, STEM განათლების ხელმისაწვდომობასა და ტექნოლოგიურ სფეროში ქალთა კარიერულ განვითარებაზე. განსაკუთრებული ყურადღება დაეთმო იმ გამოწვევებსა და შესაძლებლობებს, რომლებიც ქალთა ჩართულობის გაზრდასა და მათ პროფესიულ გაძლიერებას უკავშირდება.
