- By Keti Khomeriki
- In პოლიტიკა, სიახლეები
ირაკლი კობახიძე – სალომე ზურაბიშვილი ცერემონიულ ღონისძიებებში მიიღებს მონაწილეობას, აღლუმზეც კიდევ ერთხელ უწევს გამოსვლა და ალბათ, იქაც ათასს უბედურებას იტყვის, მოგვიწევს ამის მოსმენა
სალომე ზურაბიშვილი უკვე დიდი ხანია, 2021 წლიდან მოყოლებული „ნაცმოძრაობის“ პრეზიდენტია, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
როგორც ირაკლი კობახიძემ აღნიშნა, სალომე ზურაბიშვილთან ურთიერთობა გაგრძელდება ისე, როგორც აქამდე გრძელდებოდა, ის ცერემონიულ ღონისძიებებში მიიღებს მონაწილეობას.
„როგორ უნდა გაგრძელდეს ურთიერთობა, როგორც გრძელდებოდა – არის ცერემონიული ღონისძიებები, სადაც მონაწილეობას მიიღებს. ერთი ყოველწლიური მოხსენება დარჩა, რასაც დიდი ინტერესით ვერ მოვუსმენთ, მაგრამ რაღაც ფორმალობები იქნება. აღლუმზეც კიდევ ერთხელ უწევს გამოსვლა და ალბათ, იქაც ათასს უბედურებას იტყვის და ამის მოსმენა მოგვიწევს. მასთან მეტი შეხება დიდად არ გვექნება, ის პრეზიდენტი ფორმალურად არის, „ნაცმოძრაობის“ პრეზიდენტია“, – განაცხადა ირაკლი კობახიძემ.
