- By Keti Khomeriki
- In პოლიტიკა
ირაკლი კობახიძე – ყველას უნდა ელაპარაკო, ეს არის პოლიტიკის დაუწერელი კანონი, ეროვნული ინტერესების დაცვაზე უნდა იყო ორიენტირებული, ამის გამოხატულებაა ჩვენი დამოკიდებულება
პოლიტიკაში ადამიანს, არ შეიძლება, გადაემტერო მაშინაც კი, როდესაც ის მტრულად გექცევა. უნდა იყო ორიენტირებული შენი ქვეყნის ეროვნული ინტერესების დაცვაზე, უნდა იყო მაქსიმალურად პრაგმატული, დიპლომატიური, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
პრემიერის თქმით, ეს არის პოლიტიკის დაუწერელი კანონი.
„პოლიტიკაში ადამიანს, არ შეიძლება, გადაემტერო მაშინაც კი, როდესაც თუნდაც ის მტრულად გექცევა. უნდა იყო ორიენტირებული შენი ქვეყნის ეროვნულ ინტერესების დაცვაზე. უნდა იყო მაქსიმალურად პრაგმატული, დიპლომატიური. ამის გამოხატულებაა ჩვენი განწყობა, დამოკიდებულება, მათ შორის, რაც ფიქსირდება შესაბამის შეხვედრებზე. ყველას უნდა ელაპარაკო – ეს არის პოლიტიკის დაუწერელი კანონი, მტერსაც და მოყვარესაც უნდა ელაპარაკო. გუშინ ევროპული გაერთიანების სამიტზე წარმოდგენილი იყო 50-მდე ლიდერი და ამ შეხვედრის განმავლობაში ნახევარზე მეტთან მქონდა გასაუბრება სხვადასხვა თემაზე“, – განაცხადა პრემიერმა.
