ირაკლი ჩიქოვანთან ერთად, საქართველოს ვიცე-პრემიერის თანამდებობას მაკა ბოჭორიშვილი და მამუკა მდინარაძე შეითავსებენ
თავდაცვის მინისტრ ირაკლი ჩიქოვანთან ერთად, საქართველოს ვიცე-პრემიერის თანამდებობას შეითავსებენ მაკა ბოჭორიშვილი და მამუკა მდინარაძე.
ამის შესახებ ბრიფინგზე საქართველოს პრემიერ-მინისტრმა, ირაკლი კობახიძემ განაცხადა.
„საქართველოს საგარეო საქმეთა მინისტრს, მაკა ბოჭორიშვილს დაეკისრება საქართველოს ვიცე-პრემიერის მოვალეობა, შესაბამისად, მთავრობის შემადგენლობაში იქნება სამი ვიცე-პრემიერი“, – განაცხადა ირაკლი კობახიძემ.
ამასთან, საქართველოს მთავრობის სტრუქტურას დაემატება სამართალდამცავი ორგანოების კოორდინაციის საკითხებში სახელმწიფო მინისტრის თანამდებობა, რომელსაც მამუკა მდინარაძე უხელმძღვანელებს.
სახელმწიფო უსაფრთხოების თანამდებობაზე კი მამუკა მდინარაძეს გეკა გელაძე შეცვლის.
