- By Keti Khomeriki
- In მსოფლიო
ირანის პრეზიდენტი – პეიჯერების შეტევამ აჩვენა ისრაელის რეჟიმის ველურობა და კრიმინალური ბუნება
პეიჯერების შეტევამ აჩვენა ისრაელის რეჟიმის ველურობა და კრიმინალური ბუნება, – ამის შესახებ ირანის პრეზიდენტმა, მასუდ ფეზეშქიანმა განაცხადა.
ირანის პრეზიდენტის თქმით, ვითარების შეცვლის, ჩაგრული პალესტინელებისა და ისლამური სამყაროს წინააღმდეგ სიონისტური რეჟიმისა და მისი მხარდამჭერების დანაშაულების შეჩერების გზა მუსლიმებსა და ისლამურ ქვეყნებს შორის ერთიანობის შენარჩუნებაა.
„ის ფაქტი, რომ იარაღები და მოწყობილობები, რომლებიც, ჩვეულებრივ, გამოიყენება, როგორც კაცობრიობის კომფორტის, კეთილდღეობის საშუალება, მაგრამ ახლა გამოიყენება, როგორც ტერორისა და განადგურების იარაღი მათ წინააღმდეგ, ვისი შეხედულებებიც არ ჰგავს ჩვენსას, გვიჩვენებს კაცობრიობის დაცემას და ველურობის, სისასტიკის, კრიმინალის გაბატონებას. ამ ინციდენტმა კიდევ ერთხელ აჩვენა, რომ, დასავლეთის ქვეყნებისა და ამერიკელების განცხადებების მიუხედავად, რომ ისინი ცეცხლის შეწყვეტას ცდილობენ, პრაქტიკაში სრულად უჭერენ მხარს სიონისტური რეჟიმის დანაშაულებს, მკვლელობებს და ბარბაროსულ მკვლელობებს“, – განაცხადა მასუდ ფეზეშქიანმა.
