- By Keti Khomeriki
- In მსოფლიო
მარია ზახაროვა – სომხეთში არჩევნები ოპოზიციაზე უპრეცედენტო ზეწოლისა და დასავლეთის ქვეყნების ჩარევის ფონზე ჩატარდა
სომხეთში არჩევნები ოპოზიციაზე უპრეცედენტო ზეწოლისა და დასავლეთის ქვეყნების ჩარევის ფონზე ჩატარდა, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.
„ოპოზიციაზე უპრეცედენტო ზეწოლა. ერთი მხრივ, ეს არის ის, რაც აშკარად ხდებოდა მთავრობის კონცეფციის სახით, და დასავლეთის ჩარევა, ჩემი აზრით, უპრეცედენტოა ამ რეგიონისთვის საარჩევნო პროცესების კონტექსტში“, – აღნიშნა მარია ზახაროვამ.
მარია ზახაროვას განცხადებით, სომხეთის ევრაზიულ ინტეგრაციულ სტრუქტურებში წევრობას რეალური სარგებელი მოაქვს და არა ცარიელი დაპირებები. ამიტომ, ზახაროვას თქმით, სომეხ ხალხში აშკარაა მოთხოვნა რუსეთსა და ამ სტრუქტურებთან ურთიერთობების განვითარებაზე.
„ადამიანები ამ არჩევანს, ამ მხარდაჭერას ურთიერთქმედების ხელშესახები შედეგების საფუძველზე ავლენენ. ისინი ხედავენ, აფასებენ, მხარს უჭერენ“, – აღნიშნა მარია ზახაროვამ.
