- By Keti Khomeriki
- In სამართალი
პოლიციამ კახეთში ყაჩაღობის ბრალდებით ერთი პირი დააკავა
პოლიციამ კახეთში, დედოფლისწყაროს მუნიციპალიტეტის ერთ-ერთ სოფელში ყაჩაღობის ბრალდებით წარსულში ნასამართლევი – 1984 წელს დაბადებული ლ.მ. დააკავა.
გამოძიებით დადგინდა, რომ ბრალდებულმა დედოფლისწყაროს მუნიციპალიტეტის ერთ-ერთ სოფელში ნაცნობს – 1946 წელს დაბადებულ შ.ე.-ს მის საცხოვრებელ სახლში სიცოცხლის მოსპობის მუქარითა და ფიზიკური ძალის გამოყენებით თანხა მოსთხოვა, თუმცა განზრახვა სისრულეში ვერ მოიყვანა და შემთხვევის ადგილიდან მიიმალა.
ჩატარებული ოპერატიული ღონისძიებებისა და საგამოძიებო მოქმედებების შედეგად პოლიციამ ბრალდებული ცხელ კვალზე დააკავა.
გამოძიება სისხლის სამართლის კოდექსის 179-ე მუხლით მიმდინარეობს, რაც შვიდ წლამდე ვადით თავისუფლების აღკვეთას ითვალისწინებს.
