- By Keti Khomeriki
- In სამართალი
პოლიციამ ნარკოდანაშაულის ბრალდებით თბილისში ორი პირი დააკავა, მათ შორის, უცხო ქვეყნის მოქალაქე, ამოღებულია დიდი ოდენობით ნარკოტიკული საშუალება და ფსიქოტროპული ნივთიერება
შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა განსაკუთრებით დიდი ოდენობით ნარკოტიკული ნივთიერებისა და ფსიქოტროპული საშუალების უკანონო შეძენა-შენახვისა და რეალიზაციის ხელშეწყობის ბრალდებით ორი პირი დააკავეს. მათ შორის, ერთი უცხო ქვეყნის მოქალაქეა. ინფორმაციას ამის შესახებ შსს ავრცელებს.
უწყების ცნობით, გამოძიება სისხლის სამართლის კოდექსის 260-ე, 260-ე კვარტა და 261-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.
„სამართალდამცველებმა ბრალდებულების პირადი, ასევე ერთ-ერთი მათგანის კუთვნილი ავტომობილის ჩხრეკის შედეგად ნივთმტკიცებად ამოიღეს განსაკუთრებით დიდი ოდენობით ნარკოტიკული საშუალება და ფსიქოტროპული ნივთიერება – 500 აბი „პრეგაბალინი“ და 2 კილომდე გამომშრალი „მარიხუანა““, – ნათქვამია შსს-ს მიერ გავრცელებულ ინფორმაციაში.
