- By Keti Khomeriki
- In მსოფლიო
უკრაინის სამხედრო-საზღვაო ძალების ცნობით, რუსეთმა შავ და ხმელთაშუა ზღვებში რაკეტმზიდი სამხედრო ხომალდების რაოდენობა გაზარდა
უკრაინის სამხედრო-საზღვაო ძალების ცნობით, რუსეთმა შავ და ხმელთაშუა ზღვებში რაკეტმზიდი სამხედრო ხომალდების რაოდენობა გაზარდა. კიევში ვარაუდობენ, რომ ეს, შესაძლოა, „კალიბრის“ ტიპის რაკეტების გამოყენებით უკრაინის ტერიტორიაზე დარტყმების საფრთხეზე მიანიშნებდეს.
უკრაინის სამხედრო-საზღვაო ძალების ცნობით, 14 სექტემბრის დილის მდგომარეობით, შავ ზღვაში 16 რუსული ხომალდი იმყოფება, რომელთაგან შვიდი „კალიბრის“ ფრთოსანი რაკეტების მატარებელია, ხმელთაშუა ზღვაში კი ხუთი რუსული ხომალდიდან ოთხი „კალიბრის“ რაკეტების მატარებელია.
უკრაინული მედია აღნიშნავს, რომ ბოლო თვეებში რუსეთს შავ ზღვაში 4-5 სამხედრო გემი შეჰყავდა. შავი ზღვის აკვატორიაში 10-ზე მეტი ხომალდი რუსეთმა 2024 წლის თებერვლის დასაწყისში შეიყვანა.
