- By Keti Khomeriki
- In მსოფლიო
აშშ-ის ცენტრალური სარდლობის ინფორმაციით, ირანის წინააღმდეგ დაწესებული საზღვაო ბლოკადის ფარგლებში 31 გემს მიმართულება შეუცვალეს ან პორტში დაბრუნება უბრძანეს
აშშ აცხადებს, რომ ირანის წინააღმდეგ დაწესებული საზღვაო ბლოკადის ფარგლებში 31 გემი შეაჩერა.
კერძოდ, აშშ-ის ცენტრალური სარდლობის ინფორმაციით, 31 გემს მიმართულება შეუცვალეს ან პორტში დაბრუნება უბრძანეს.
მათივე ცნობით, გემების უმეტესობა ნავთობტანკერი იყო და ისინი „აშშ-ის მითითებებს დაემორჩილნენ“.
ირანის პრეზიდენტმა, მასუდ ფეზეშქიანმა განაცხადა, რომ ეს ბლოკადა ერთ-ერთი მთავარი დაბრკოლებაა ირანსა და შეერთებულ შტატებს შორის „ნამდვილი მოლაპარაკებების“ გზაზე. მისივე თქმით, ასეთ პირობებში დიალოგის გაგრძელება რთული ხდება.
ამასთან, თეთრი სახლის პრესსპიკერის, ქეროლაინ ლევიტის განცხადებით, დონალდ ტრამპი კმაყოფილია მიმდინარე ბლოკადით. მისივე თქმით, ოპერაცია არის ეფექტიანი და წარმატებული.
