• October

    30

    2026
  • 114
  • 0
ვლადიმერ ხომერიკი : გამორიცხული არ არის, რომ ამ სკანდალების უკან საქართველოში დესტაბილიზაციისა და ბიძინა ივანიშვილის დისკრედიტაციით დაინტერესებული ძალები იდგნენ”

ვლადიმერ ხომერიკი : გამორიცხული არ არის, რომ ამ სკანდალების უკან საქართველოში დესტაბილიზაციისა და ბიძინა ივანიშვილის დისკრედიტაციით დაინტერესებული ძალები იდგნენ”

,,ბრავოოოოოო…სპეციალურად ვწერ რუსულ ენაზე, რადგან ის ერთ-ერთი საერთაშორისო ენაა და ეს პოსტსაბჭოთა სივრცის ყველა ქვეყანაში შეეძლებათ წაიკითხონ.

ძალიან მიხარია და ვამაყობ ჩემი საქართველოთი, რომ მას შესწევს უნარი, იპოვოს საკუთარ თავში სიმამაცე უგულისყურო მოხელეთა შეცდომების გამოსასწორებლად და საკუთარი ხალხის აზრის გასაზიარებლად.

მიმაჩნია, რომ ეს დამოუკიდებელი და დემოკრატიული სახელმწიფოს ერთ-ერთი პირველხარისხოვანი ნიშან-თვისებაა.

დიტო ჩუბინიძე საქართველოს პატრიოტი, პატიოსანი და ვაჟკაცი ჟურნალისტია. ის გირაოთი გაათავისუფლეს და დარწმუნებული ვარ, რომ მალე სასამართლო დახურავს ამ საქმეს, მას გაამართლებენ და ბოდიშს მოუხდიან იმ შეცდომების ან განზრახ ქმედებების გამო, რომლებიც ამ საქმეში ჩართულმა ამა თუ იმ ძალოვანმა სტრუქტურამ დაუშვა.

მინდა, საქართველოს მოსახლეობამ გაიგოს, რომ დღევანდელი გადაწყვეტილება სასამართლოს მხრიდან, არ იყო განპირობებული იმ ადამიანთა გარკვეული რაოდენობის სოლიდარობის შიშით, რომლებიც იბრძოდნენ დიტო ჩუბინიძის გათავისუფლებისთვის, არამედ იყო კანონის უზენაესობის პატივისცემა და სასამართლოს დამოუკიდებლობის დემონსტრირების საუკეთესო მაგალითი.

სწორედ ხელისუფლებას მიკედლებული მოღალატეები და მათი ქმედებები წარმოადგენს დანაშაულს, ღალატს, ჯაშუშობასა და ა.შ. საქართველოს, მისი ხალხისა და მოქმედი კანონების წინაშე.

საქართველოს ხელისუფლებას დღეს ძალიან უჭირს, რადგან კოჰაბიტაციისგან განსხვავებით, რომელიც, როგორც აშკარად ჩანს, მაშინდელ ახალბედა და ჯერ კიდევ მოუძლიერებელ ხელისუფლებას დასავლელმა არაკეთილმოსურნეებმა მოახვიეს თავს, ,,ქართული ოცნების” ხელისუფლება წლების განმავლობაში იბრძოდა და დღესაც იბრძვის მიხეილ სააკაშვილის დანაშაულებრივ მემკვიდრეობასთან, მის დასავლელ მეგობრებსა და მიმდევრებთან დაპირისპირების წინააღმდეგ. ამას ემატება ისიც, რომ ამიერკავკასიის რეგიონში მიმდინარეობს ფარული ომი გავლენებისთვის : თურქეთისა და აზერბაიჯანის კოალიცია, გზააბნეული და არეულობაში მყოფი სომხეთი, დასავლეთის ქვეყნებისა და აშშ-ის ინტერესები რეგიონში გავლენის მოპოვებისა და ლოგისტიკური დერეფნების კონტროლის დასამყარებლად – ეს ის ფაქტორებია, რომლებიც სამხრეთ კავკასიაში არსებულ გეოპოლიტიკურ ვითარებას განსაზღვრავს.

ამ დერეფნებით, საკუთარი გეოპოლიტიკური და ეროვნული უსაფრთხოების ინტერესებიდან გამომდინარე, რუსეთიც არის დაინტერესებული.

რუსეთი სსრკ-ის სამართალმემკვიდრეა – მან საბჭოთა კავშირის ვალები სრულად დაფარა და მნიშვნელოვანი რესურსები ჩადო ამ რეგიონსა და იმ რესპუბლიკებში, რომლებიც საბჭოთა ხელისუფლების პერიოდში არსებობდნენ და დღეს დამოუკიდებელ სახელმწიფოებად ჩამოყალიბდნენ. დღეს კი, მადლიერების ნაცვლად, ეს ქვეყნები, ზოგი ფარულად, ზოგი კი ღიად, რუსეთს უპირისპირდებიან – სახელმწიფოს, რომელიც მათ საერთო ისტორიული სივრცის ნაწილად მიაჩნდათ და რომელთანაც ათწლეულების განმავლობაში იყვნენ დაკავშირებულნი.

აი, სწორედ ეს ორი მნიშვნელოვანი გამოწვევა და პრობლემა დგას დღეს საქართველოს წინაშე, რომელიც რეგიონში გავლენისთვის ბრძოლის ეპიცენტრშია მოქცეული. ქვეყანას სხვადასხვა გეოპოლიტიკური ძალა სხვადასხვა მიმართულებით ექაჩება, ის კი ცდილობს, შეინარჩუნოს სუვერენიტეტი და დამოუკიდებლობა, აღადგინოს ტერიტორიული მთლიანობა, გაუმკლავდეს როგორც შიდა, ისე გარე მტრებსა და არაკეთილმოსურნე ძალებს, განავითაროს ეკონომიკა და გააუმჯობესოს მოსახლეობის კეთილდღეობა.

ამასთან, საქართველო არ უნდა აჰყვეს პანიკასა და გარე ზეწოლას, არ უნდა შეცდეს სტრატეგიული არჩევანისას და არ უნდა აღმოჩნდეს ვინმეს უღელქვეშ.

გთხოვთ, საქართველოს მოსახლეობამ არ იფიქროს, თითქოს რომელიმე მხარის ადვოკატი ვიყო. მეც, ისევე როგორც მრავალი თქვენგანი, მთელი პოსტსაბჭოთა პერიოდის განმავლობაში ვიბრძვი საქართველოსთვის, მისი დამოუკიდებლობისა და განვითარებისთვის, ჩემი ძვირფასი, მშობლიური ხალხის უკეთესი მომავლისთვის. ამასთან, ვცდილობ, ვიყო ობიექტური, პატიოსანი და სამართლიანი.

სწორედ ამიტომ მივმართავ ჩვენს ქართველ ხალხს თხოვნით : კიდევ ერთხელ დაფიქრდით, რამხელა გამოწვევების წინაშე დგას დღეს ჩვენი ქვეყანა. გთხოვთ, გაითვალისწინოთ, რომ ასეთ რთულ ვითარებაში, როდესაც ქვეყანა უამრავ პრობლემასა და წინააღმდეგობას ებრძვის, შეცდომები ყოველთვის შესაძლებელია და ზოგჯერ მასობრივ ხასიათსაც კი იძენს. თუმცა, ეს არ ნიშნავს, რომ თვალი უნდა დავხუჭოთ იმ ცალკეულ შემთხვევებზე, რომლებიც გულბაათ რცხილაძისა და დიტო ჩუბინიძის საქმეებში გამოიკვეთა და, სავარაუდოდ, კიდევ ათეულობით სხვა, ნაკლებად საჯარო პირის შემთხვევაშიც შეიძლება არსებობდეს.

დიახ, მსგავსი რამ არ უნდა ხდებოდეს. ამგვარ შემთხვევებს უნდა ვებრძოლოთ, რათა ჩვენი ხმა უმაღლეს ინსტანციებამდე მივიტანოთ და სამართლიანობის აღდგენას მივაღწიოთ.

გამორიცხული არ არის, რომ ეს სკანდალები სწორედ იმ ძალებმა დაგეგმეს, რომლებსაც საქართველოში დესტაბილიზაციის გამოწვევა და ხელისუფლებისა და ბიძინა ივანიშვილისთვის ჩრდილის მიყენება სურთ.

ბიძინა ივანიშვილმა, ჩემი შეფასებით, მნიშვნელოვანი როლი შეასრულა სააკაშვილის ხელისუფლების დასრულებაში, ხოლო დღეს, ხელისუფლების მიერ სერიოზულად მიმდინარეობს წინა რეჟიმთან დაკავშირებული დარჩენილი ჯგუფების საქმიანობის მხილებისა და მათი პასუხისმგებლობის საკითხის განხილვის პროცესი.

მაგრამ თუ ამ ადამიანების დასაცავადაც გამოხვალთ და ამავე დროს ხელისუფლების ლანძღვას დაიწყებთ, დაფიქრებულხართ, რა შედეგი შეიძლება მოჰყვეს ამას ?

ნუ დაივიწყებთ, რომ საქართველო სახელმწიფოა და არა მეკობრული ხომალდი. აქ არსებობს კონსტიტუცია და კანონები, არსებობს ხალხის მიერ უმრავლესობით არჩეული ხელისუფლება და სამართლებრივი ინსტიტუტები. დემოკრატიულ სახელმწიფოში კანონს პატივი უნდა სცენ, თუმცა ეს არ ნიშნავს, რომ ხელისუფლების ყველა გადაწყვეტილება უპირობოდ უნდა მივიღოთ ან მის კრიტიკაზე უარი ვთქვათ. პირიქით, კანონიერება და სამართლიანობა ყველასთვის თანაბრად უნდა იყოს უზრუნველყოფილი, ხოლო საზოგადოებრივი აზრი პასუხისმგებლიან და სამართლებრივ ჩარჩოებში მოქცეულ დისკუსიას უნდა ემყარებოდეს.

ამასთან, გთხოვთ, ნუ აქცევთ ამ შემთხვევებს მსოფლიო მასშტაბის პოლიტიკურ სკანდალად.

გადაჭარბებულმა აჟიოტაჟმა შესაძლოა, ხელისუფლებას დამატებითი შეზღუდვებისა და ნაჩქარევი გადაწყვეტილებებისკენ უბიძგოს. ამან კი ხელი შეუშალოს იმ მნიშვნელოვანი საკითხების მოგვარებას, რომლებიც ქვეყნის წინაშე არსებულ გლობალურ გამოწვევებს უკავშირდება და რომლებზეც საქართველოს ბედი და მომავალია დამოკიდებული.

მადლიერი ვარ იმ ადამიანებისა, რომლებიც აჟიოტაჟის, ლანძღვისა და პოლიტიკური შოუს გარეშე, შეუპოვრად იბრძოდნენ გულბაათ რცხილაძის უფლებებისა და დიტო ჩუბინიძის ბედის დასაცავად.

ამასთან, კითხვები ჩნდება იმასთან დაკავშირებითაც, თუ რატომ არ მოითხოვეს ადვოკატებმა თავიდანვე მათი გირაოს სანაცვლოდ გათავისუფლება და რატომ აღმოჩნდნენ ისინი პატიმრობაში, მაშინ როცა დიტო ჩუბინიძე სასამართლომ მალევე გაათავისუფლა გირაოს სანაცვლოდ.

ძალიან ვწუხვარ გულბაათ რცხილაძის მდგომარეობის გამო. მან პირადი ტრაგედია გადაიტანა და, მიუხედავად შერყეული ჯანმრთელობისა, დღემდე პატიმრობაში რჩება.

მე მზად ვიყავი, გავმხდარიყავი იმის გარანტი, რომ სასამართლოს საბოლოო გადაწყვეტილებამდე გათავისუფლების შემთხვევაში ის არსად გაიქცეოდა.

თუმცა, მის გასათავისუფლებლად ბრძოლა ჯერ არ დასრულებულა. ამიტომ გთხოვთ, ნუ ვაქცევთ ამ საკითხს ხმაურიან პოლიტიკურ შოუდ და ნუ ვიჩქარებთ ისეთი დასკვნების გამოტანას, თითქოს „ხელისუფლებას შეეშინდა“, „შეშინებულები არიან“ ან „ჩვენ გავიმარჯვეთ“ და ა.შ.

ეს მხოლოდ პროცესის დასაწყისია. თუ გვინდა, რომ ისინი გათავისუფლდნენ და მათ მიმართ წაყენებული ბრალდებები მოიხსნას, საჭიროა კონკრეტული სამართლებრივი ნაბიჯების გადადგმა და შემდგომი პროცესების დაკვირვებით შეფასება. ამასთან, სამართლიანობის მოთხოვნა და მათი უფლებების დაცვა არ უნდა გადაიდოს განუსაზღვრელი დროით.

ახლა კი კიდევ ერთხელ მივმართავ საქართველოს უმაღლესი თანამდებობის პირებს:

გთხოვთ, გაათავისუფლოთ გულბაათ რცხილაძე პატიმრობიდან, თუ ამისთვის კანონით გათვალისწინებული საფუძვლები არსებობს. დეტალურად გაეცანით საქმის გარემოებებს, საზოგადოებას განუმარტეთ მიღებული გადაწყვეტილებების სამართლებრივი საფუძვლები და მის მომავალ ბედთან დაკავშირებული გადაწყვეტილებები მიიღეთ მხოლოდ დამაჯერებელ ფაქტებსა და კანონის მოთხოვნებზე დაყრდნობით.

მერწმუნეთ, საქართველოს ხელისუფლების მიმართ უკმაყოფილებისა და პრეტენზიების გამოხატვის არანაკლები საფუძველი მეც მაქვს – საქართველოს შესაბამისმა სახელმწიფო სტრუქტურებმა მოქალაქეობის მინიჭებაზე ორჯერ მითხრეს უარი. ორივე შემთხვევის დადასტურება, საჭიროების შემთხვევაში, ჩემს ადვოკატს, ლაშა გოლუბიანს, შეუძლია.

მეტიც, ხელისუფლების ამჟამინდელმა წარმომადგენლებმა ჩემს მშობლიურ ბათუმში არ შემომიშვეს და იმავე თვითმფრინავით, საკუთარი ხარჯებით, უკან, მოსკოვში გამაბრუნეს.

მიუხედავად იმისა, რომ ძალიან ნაწყენი და შეურაცხყოფილი ვიყავი, აეროპორტის სასაზღვრო პუნქტზე ხმაური არ ამიტეხავს. არ დამიწყია მეგობრებთან, ჟურნალისტებთან, ნათესავებსა თუ ნაცნობებთან რეკვა, რათა პიარისთვის საჭირო აჟიოტაჟი შემექმნა და მომხდარი საჯარო განხილვის საგნად მექცია.

მით უმეტეს, რომ ჩემთან ერთად ჩამოფრინდა ჩემი სამი თანამოქალაქე – მეგობარი, ცნობილი და პატივსაცემი ადამიანი, რომელთაგან ორი პროფესორია. მე მათ უბრალოდ ვთხოვე, სახლებში დაბრუნებულიყვნენ. ბარგიდან ჩემი ჩემოდანი მომიტანეს და ჩუმად წავედი.

რა თქმა უნდა, მრცხვენოდა და განრისხებული ვიყავი, მაგრამ მესმოდა, ხმაური რომ აგვეტეხა, ეს სირცხვილი მხოლოდ მათ არ შეეხებოდათ, ვინც თბილისთან რეკავდა – ეს ჩემი სამშობლოსა და იმ ხელისუფლების სირცხვილიც გახდებოდა, რომლის ჩამოყალიბებასა და ხელისუფლებაში მოსვლაში, შეძლებისდაგვარად, ხელს ვუწყობდი საქართველოს გათავისუფლების იმედით.

მოსკოვში ჩასვლისთანავე ჩემთან მოვიდნენ გავლენიანი უფლებადამცველები და ადვოკატები. მათ სურდათ, სასამართლოსთვის მიმემართა და რუსეთის საგარეო საქმეთა სამინისტროში, სადაც კარგად მიცნობდნენ, პროტესტი გამომეხატა და შესაბამისი სამართლებრივი ნაბიჯები გადამედგა. თუმცა, ყველას ვთხოვე, დამშვიდებულიყვნენ, რადგან ეს ჩემი სამშობლოა და ამ საკითხს თავად მივხედავდი.

ჩემი ბიოგრაფია შეგიძლიათ ინტერნეტში იხილოთ – ვფიქრობ, ის დამატებით რეკომენდაციებს არ საჭიროებს.

ამ ყველაფერს უბრალოდ წარსულის გასახსენებლად არ გწერთ. მინდა, რჩევით მოგმართოთ : კარგად დაფიქრდით, სწორი დასკვნები გამოიტანეთ და ამ რთულ, გარდამტეხ პერიოდში ნუ აჰყვებით საკუთარ ამბიციებსა და შესაძლო პროვოკაციებს.

ამის ნაცვლად, გთხოვთ, საქართველოს ეროვნული ინტერესებიდან გამომდინარე, გაერთიანდეთ ბიძინა ივანიშვილისა და მოქმედი ხელისუფლების გარშემო, რათა დაეხმაროთ ქვეყანას, სწორად განსაზღვროს საკუთარი გზა და გააკეთოს შესაბამისი არჩევანი. ჩემი არჩევანი თქვენთვის დიდი ხანია ცნობილია.

ღმერთმა დაიფაროს ჩვენი საქართველო და მისი მშვენიერი ხალხი.

არ შეცდეთ, ჩემო ძვირფასო თანამემამულეებო” !

პატივისცემით, თქვენი პროფესორი ვ. კ. ხომერიკი

ქეთი ხომერიკი

,,GEO NEWS”

 

LEAVE A COMMENT

Your comment will be published within 24 hours.

COST CALCULATOR

Use our form to estimate the initial cost of renovation or installation.

REQUEST A QUOTE
Latest Posts
Most Viewed
Text Widget

Here is a text widget settings ipsum lore tora dolor sit amet velum. Maecenas est velum, gravida Vehicula Dolor