- By Keti Khomeriki
- In მსოფლიო
„ბიბისი“ – კირ სტარმერი ენდი ბერნემს შეხვდა, რომელიც პრემიერ-მინისტრის თანამდებობაზე მის შემცვლელად განიხილება
კირ სტარმერი ენდი ბერნემს შეხვდა. როგორც „ბიბისი“ წერს, ეს მათი პირველი შეხვედრა იყო მას შემდეგ, რაც მანჩესტერის მერმა, ენდი ბერნემმა საპარლამენტო მანდატისთვის გამართულ შუალედურ არჩევნებში გაიმარჯვა.
„ბიბისის“ ცნობით, შეხვედრა დაახლოებით ერთი საათს გაგრძელდა.
ამ დროისთვის ბერნემი ერთადერთი კანდიდატია, რომელიც ლეიბორისტული პარტიის ლიდერობისთვის გამოიკვეთა. მას კონკურენტი თუ არ გამოუჩნდება, ბერნემი, შესაძლოა, 17 ივლისს ქვეყნის პრემიერ-მინისტრი გახდეს.
შეხვედრის დეტალები ოფიციალურად არ გავრცელებულა, თუმცა, როგორც მედია წერს, შეხვედრის მთავარი მიზანი, სავარაუდოდ, ხელისუფლების მშვიდი და ორგანიზებული გადაბარების უზრუნველყოფა იყო მას შემდეგ, რაც კირ სტარმერმა თანამდებობის დატოვება გადაწყვიტა.
